Como todos os anos, os centros interesados deberán comunicar o seu interese en participar no Salón, para o que terán que realizar un traballo previo relacionado co tema proposto. A participación nesta actividade previa será condición necesaria para que o centro poida participar no programa de actividades do Salón. A VIII edición do Salón do Libro Infantil e Xuvenil, que terá lugar no Pazo da Cultura de Pontevedra entre o 4 e o 10 de febreiro de 2007, terá como tema O medo na literatura. Ademais, co fin de axudar na realización das actividades, está a vosa disposición a bibliografía As idades do medo.

O calendario previsto para tramitar as solicitudes de participación é o seguinte:

• Do 16 ao 30 de outubro: prazo de presentación de solicitudes (descargar ficha), que deberán entregarse no Pazo da Cultura ou enviar por fax (986 874 070) ou ao seguinte enderezo de correo electrónico: salondolibro@salondodlibro.org. Recordámoslles que a orde de preferencia seguirá a orde de chegada das solicitudes e que non se recollerá ningunha que estea fóra de prazo.
• O 6 de novembro terá lugar unha reunión con todos os centros inscritos; está xuntanza celebrarase no salón de actos do Pazo da Cultura a partir das 19,30 horas.
• Do 7 ao 17 de novembro: entrega da ficha coa comunicación da actividade ou actividades que se prevé desenvolver no centro.
• Do 22 ao 30 de xaneiro: entrega dos traballos no Pazo da Cultura para a súa exposición.

Formularios (formato Word)

• Solicitude de participación
• Ficha de actividade no centro
• Solicitude de asistencia
• Ficha Contadores de historias